A Ostreira é unha garantía de sustentabilidade e emprego
A perda da calidade das augas das rías de Galicia, xunto cunha alta presión extractiva de moluscos no medio natural, causou unha mortandade de ameixas e ostras preocupante para o marisqueo, o que gradualmente esgotou estes recursos.
A Ostreira contribúe directamente á repoboación dos bancos marisqueiros coa súa intensa actividade produtiva. A nosa colaboración con millóns de sementes en talla de sementeira supón unha garantía na preservación da cadea mar-industria e o sustento de miles de empregos na rexión.
Peza clave no sector marisqueiro
Traballamos en estreita colaboración con mariscadores, confrarías marisqueiras locais e parquistas de distintos puntos da costa española para asegurar unha subministración sustentable de sementes para repoboar os bancos marisqueiros dos que depende o seu traballo. Todo isto fortalece a economía local ao manter 7.000 empregos directos na extracción de marisco das rías de Galicia e outros 1.000 nas industrias depuradoras e transformadoras.
Enorgullécenos ser parte dun sector chave e contribuír á protección e revitalización dos nosos recursos mariños.
Fortalecemos ecosistemas naturais
As rías son contornas naturais únicas e, ao mesmo tempo, zonas explotadas polos seus recursos. Nesta costa existe un gran patrimonio natural e cultural que achega un importante valor social e económico a Galicia.
Son un enclave ecolóxico valioso que favorece a abundancia de moluscos, crustáceos e peixes. Os seus recursos naturais son aproveitados polo home dende a antigüidade, e as comunidades humanas que se asentan nas súas beiras desenvolven actividades marisqueiras, pesqueiras e acuícolas. Estas representan unha das actividades de maior valor en Galicia, tanto no plano económico e cultural como no ecolóxico.
Produción sostible de sementes de ameixa e ostra en Galicia
A Ostreira, como axente clave na cadea mar-industria, realiza as súas actividades de maneira respectuosa co medio ambiente. Ao desenvolver a nosa actividade en zonas de dominio público costeiro e precisar dos recursos clave do mar, somos os primeiros en apoiar iniciativas de preservación do ecosistema.
Implementamos sistemas de enerxía fotovoltaica para autoconsumo dentro da nosa estratexia de sustentabilidade, así como medidas de redución do uso de plásticos e de xestión de residuos resultantes da nosa actividade.
